د فبرورۍ لومړۍ نېټه به د سږ کال د چين له پسرلني اختر سره برابره وي. دغه اختر د چينايانو او د ختيځې اسيا ځينو هېوادونو د خلکو لپاره تر ټولو مهم اختر دی. څو ورځې دمخه د کابل په چینا ټاون کې د افغانستان او چین د دوستۍ پسرلني اختر د لمانځنې غونډه او نندارتون ترسره شو.

افغان سوداګر دغه غونډه او نندارتون د هغو بهرنیو پانګوالو لپاره یو ښه زیری او فرصت بولي، چې غواړي په افغانستان کې پانګونه وکړي.