د اولمپیک د ۲۴مې دورې د ژمنيو لوبو پرانیستونکي مراسم د فبرورۍ د څلورمې نيټې په شپه د چين د پلازمېنې بېجينګ د سپورټ په دولتي سټوډيوم کې پيل شول.
په دغو مراسمو کې د چين د کمونېست ګوند د مرکزي کميټې عمومي منشي، د دولت رئيس او د مرکزي پوځي کميټې رئيس شي جين پينګ هم ګډون لري او د اولمپيک د روانې دورې د ژمنيو لوبو د پېل اعلان به وکړي.
په دغو پرانيستونکو مراسمو کې د اولمپيک د نړيوالې کميټې د رئيس توماس باخ او د ملګرو ملتونو د سرمنشي انتونيو ګوتريس په شمول د نړيوالو سازمانونو مسؤلین او د روسيې د ولسمشر ولاډيمير پوتين په شمول د اروپا، اسيا، افريقا او لاتينې امريکا د څه باندې دېرشو هېوادونو دولتي او حکومتي مشران او د شاهي کورنيو ډېر غړي هم برخه لري.
د بېجينګ اولمپيک ژمنې لوبې د کرونا وبا د خپرېدو په درشل کې لومړۍ نړيواله لویه سپورټي ميله ده، چې په ټاکلي وخت تر سره کيږي.
په دغو لوبو کې به د نړۍ د ۹۰ هېوادونو او سيمو شاوخوا ۳۰۰۰ لوبغاړي ګډون ولري او د سرو زرو ميډالونو شمېر به يې د المپيک د تېرو ژمنيو لوبو په پرتله زيات وي.
ځينو هېوادونو په لومړي ځل دغو لوبو ته خپل لوبغاړي ليږلي دي.