د امريکا کيپيټل هيل ورځپاڼې په دې وروستيو کې د چين خلاف پاليسۍ د مخالفت په عنوان يوه مقاله خپره کړې او پکې يې ويلي، چې د چين خلاف پاليسي د امريکا د سيالۍ ځواک د پياوړتيا لپاره هېڅ ګټه نه لري.

مقاله وايي، چې د امريکا استازو جرګې د فبرورۍ په پېل کې (( د ۲۰۲۲م کال د امريکا د سيالۍ مسوده )) تصويب کړه، چې له مخې به یې امريکا له چين سره نه يوازې د ساينس، تکنالوژۍ او د توليدي ځنځير په برخو کې، بلکې د سيمه ييز سياست، امنيت او ايډيولوژيکي مفکورې ډګر ته ښکته شي او سيالي به پېل کړي.
د کيپيټل هيل ورځپاڼې يادې مقالې کې ويل شوي، چې دغه مسوده به د امريکا د سيالۍ ځواک د پياوړتيا سبب به ونه ګرځي، ځکه د چين او امريکا د اړيکو خرابېدو تسلسل د امريکا له ګټو سره سمون نه لري. چينايان او امريکايان ګډې ګټې لري او خپلمنځي همکاريو ته په تمه دي او د دواړو هيوادونو له حکومتونو غواړي، چې په سوله ييز ډول خپلمنځي اختلافات حل کړي.
د واشنګټن سياستوال دې د خپل هېواد پر موجودو ستونزو سترګې نه پټوي او د اسيا الاصله امريکايانو پر ضد دې پاروانې نه کوي او نژاد پرستۍ ته دې د پای ټکی کيږدي.
( خبرياله : شکريه )