د چين د دولت رئيس شي جين پينګ د فبرورۍ په  ۲۴مه نېټه د سنو  بورډ سکي وهلو چيني لوبغاړي سو يي مينګ ته په  ځوابي پيغام کې د چين د يخ او واورې ټولو  لوبغاړو ته مبارکي ويلې  او نيکې هيلې او پېرزوينې يې ورته وړاندې کړې  دي.

نوموړي  ويلي، چې سو یي مينګ د اولمپيک ژمنيو لوبو په ډګر کې د نه ستومانه کېدونکو کوښښونو له لارې  برياليتوب تر لاسه کړی او نوموړی یې ستایلی  دی!

سو يي مينګ  ۱۸ کلن دی، د بېجينګ د اولمپيک په  ژمنيو لوبو کې يې د سنو بورډ د  ټوپ وهنې او د سلوپ اوبسټکل لوبو  کې يو طلايي او يو نقرايي مډالونه ګټلي دي.

هغه په دې وروستيو کې  د دولت رئيس شي جين پينګ ته پيغام لیږلی او د چين  لپاره یې د خپلو  کوښښونو د تسلسل هيلې پکې ښودلې  دي.  

خبرياله: شکريه