د سينهوا اژانس د خبر له مخې، د استراليا دفاع وزير پيټر دوتون په دې وروستيو کې په یوه مرکه کې ويلي، چې استراليا به تر وسې پورې په سيمه کې د چين د "تيري" مخه ونيسي. استراليا له دې مخکې هم پر چين تور لګولی و، چې جنګي بيړۍ يې د استراليا پر جنګي الوتکې ليزر اچولی او دغه کړنه يې د چين د زورواکۍ کړنه بللې وه.

د چين د دفاع وزارت وياند تان که فې د مارچ په ۱۰مه نېټه د استراليا د دفاع وزير يادې خبرې د چين په کورنيو چارو کې څرګنده لاسوهنه وبلله او ويې ويل، چې د استراليا دفاع وزير پيټر دوتون د ملي حاکميت او د خاورو تماميت د ساتنې لپاره يې د چين پر قانوني کړنو بې اساسه نيوکې کړې دي او چين یې پړ بللی دی.
نوموړي وويل، چې د پيټر دوتون له يادو خبرو څخه د سړې جګړې مفکوره او ايډيولوژيک تبعيض ښکاري او چين ورسره ټينګ مخالفت کوي.
(خبرياله: شکريه)