د سينهوا اژانس د خبر له مخې، د چين د دولتي شورا غړي او بهرنيو چارو وزير وانګ يي
د مارچ په ۱۵مه نېټه د ايران له خارجه وزير حسين امیرعبدالهيان سره ټليفوني خبرې
کړې دي.
عبدالهيان خپل چيني سیال ته د چين د ديارلسمې دورې ملي ولسي کانګرس د
پنځمې کلنۍ غونډې او د ولسي سياسي مشورتې کنفرانس د ۱۳مې ملي کميټې د ۵مې غونډې د
بشپړېدو په پار مبارکي ويلي ده.
نوموړي له وانګ يې سره په دغو خبرو کې د ايران د
اتومي تړون د بيا پلي کېدو د خبرو اترو تازه مالومات شريک کړي او هيله يې ښودلې، چې
يادې خبرې ژر پيل او ګډون پکې وکړي.
عبدالهيان زیاته کړې، چې ایران په اټومي
خبرو اترو کې د چين له ارزښتناک رول څخه مننه کوي او هيله يې ښودلې، چې چين له
ايران څخه ملاتړ ته دوام ورکړي.
وانګ يي ويلي، چې چين د اټومي تړون د بيا پلي
کېدو ټينګ ملاتړ کوي، د ايران غوښتنې يې درک کړي او د خپلو مشروع ګټو د ساتنې لپاره
د ايران له کوښښونو ملاتړ او پر دغه هيواد له لګېدلو غير قانوني يو اړخيزو بنديزونو
سره مخالفت کوي.
چين غواړي، چې د نړۍ او سيمې د چټکو بدلېدونکو حالاتو سره سره،
له ايران سره د اتومي مسئلې د حل او د سيمه ييز او نړيوال ثبات د ساتلو لپاره ګډ
کوښښونه وکړي.
(خبرياله: شکريه)