د سينهوا اژانس د خبر له مخې، د اسرائيل امنيتي ځواکونو د مې په اتمه نېټه ويلي، دوه هغه فلسطينيان، چې د روانې مياشتې په پنځمه نېټه يې د اسرائيل د العاد ښار په يوه بريد کې لاس درلود، نيولي دي.
ځايي رسنيو خبر ورکړی، چې نیول شوي فلسطینیان چې عمرونه یې ۱۹ او ۲۰ کاله دي، د اردن سيند د لویدیځې غاړې د جنین سیمې اوسېدونکي دي.
د اسرائيل په العاد ښار کې د روانې مياشتې د پنځمې نېټې په ماښام بريد وشو، چې له امله يې درې اسراييلي وګړي ووژل شول.
د اسرائيل د امنيتي چارواکي په قول، دوه بريدګر، چې په تبرونو او برچو سمبال وو، د اردن سيند له لويديځې غاړې دغه هېواد ته ننوتلي او هلته يې پر خلکو بريد کړی دی.
تر اوسه کومې ډلې د ياد برید پړه پر غاړه نه ده اخیستې. (خبرياله: شکريه)