د اټومي انرژۍ نړيوالې اېجنسۍ عمومي مدير لافيل ماريانو ګروسي له جاپان څخه دری ورځنۍ ليدنه پای ته ورسوله او د دغه هېواد په پلازمېنه توکيو کې په يوه خبري ناسته کې پر دې ټينګار  وکړ، چې د جاپان خلک او ګاونډي هېوادونه سمندر ته د فوکوشيما اټومي

برېښناکوټ د ذروي ککړو اوبو د خوشي کولو د پلان په اړه د  اندېښنې څرګندولو حق لري. د اټومي انرژۍ نړيواله اېجنسي به د جاپان دغه پلان ارزيابي وکړي.

په  ورته وخت کې د جاپان خلک سمندر ته د ذروي ککړو اوبو د خوشي کولو له پلان سره د مخالفت کولو اواز پورته  کړی. د مې د شلمې نېټې په غرمه د جاپان د ښاريانو څو ډلو د توکيو د عالي محکمې د دروازې په وړاندې لاريون تر سره کړ. دوی په لاريون کې د فوکوشيما له اوسيدونکو څخه ملاتړ  وکړ او د توکيو د برېښنايي چارو له شرکت څخه يې غوښتنه  وکړه، چې ذروي پېښې مسئوليت پر غاړه واخلي.