د امريکا پخواني ولسمشر جيمي کارټر ويلي وو، چې امريکا په ځمکنې کرې کې ټر ټولو لوی جنګ غوښتونکی هېواد دی. په ۱۷۷۶م کال د امريکا له جوړېدو راهيسې تر ۲۰۰ زياتې جګړې رامنځته شوي چې د دغه هېواد له خوا جوړې شوي او يا يې په کښې لاس درلودلی. د دوهمې نړيوالې جګړې له پای ته رسېدو وروسته د امريکا هيڅ ولسمشر خپل ځان د سوله ييزې مودې د ولسمشر په توګه ادعا نه شي کولای. دغه هېواد د افغانستان، ويتنام، سوريې او يمان په شمول زياتو هېوادونو کې جګړې پيل کړي او د دغو هېوادونو خلکو ته يې دايمي ناورينونه ایجاد کړي دي.