د امريکا د تېکساس ايالت د سوکورو ښار د پوليسو ادارې د جون په څلورمه نېټه ويلي، چې د يوې ځايي ليسې د فراغت په غونډه کې د ډزو پېښه وشوه، چې له امله يې پنځه تنه  تنکي ځوانان ټپيان شوي او د دوو

تنو روغتيايي حالت نازک دی.

 پوليسو ويلي، چې ياده پېښه د همدې ورځې په سهار وختي هغه مهال وشوه، چې شاوخوا سل تنه زده کوونکو په دې غونډه کې ګډون کړی و، د ټپيانو عمرونه له ۱۶ څخه تر ۱۸ کلونو پورې وو.

 تر پېښې وروسته د يوه زده کوونکي پلار ويلي، چې زده کوونکي په کورونو، غونډو او هر ځای کې خوندي نه دي.