د اټومي انرژۍ نړيوالې ايجنسۍ شورا د جون په ۹مه نېټه په يوه غونډه کې د امريکا، بريتانيا او استراليا ترمنځ د اټومي اوتبلونو په همکاريو کې د اټومي موادو د انتقال او څار په شمول د اټومي وسلو د نه پراخېدو پر تړون د ممکنو اغېزه لرونکو مسئلو په اړه بحث شوی دی.
په ويانا کې د ملګرو ملتونو په مقر کې د چين دايمي استازي وانګ چون په يادې غونډې کې ويلي، چې د يادو درېو هېوادونو د اټومي اوتبلونو همکاريو کې د اټومي وسلو د نه پراخېدو تړون، د اټومي انرژۍ نړيوال سازمان د هراړخيز تصمين او څارنې تړون او د استراليا او د اټومي انرژۍ نړيوالې ايجنسۍ ترمنځ له اضافي تړون څخه سرغړونه کړې ده.
وانګ چون زياته کړې، چې امريکا او بريتانيا د اټومي وسلو د نه پراخېدو په مسئله کې دوه ګونې معيارونه غوره کوي. له يوې خوا، دوی پر يو شمېر هغو هيوادونو چې اټومي وسلې نه لري، يواړخيز بنديزونه لګوي او هم يې پرې د ملکي اټومي موادو تر لاسه کول بند کړي دي، خو له بلې خوا، دوی په علنۍ او مستقيمه توګه استراليا ته د اټومي وسلو اړوند مواد ورکوي.
نړيواله ټولنه د يادو همکاريو په اړه ډېره انديښنه لري او درې واړه هېوادونه يې بايد ځواب ووايي.