د امريکا د ټېکساس ايالت په سان انتونيو کې د جون په ۲۷مه نېټه ۵۰ کډوال مړه شوي دي.
د ملګرو ملتونو د سرمنشي دفتر په یوې خبرپاڼې کې پر دغې پېښې خواشیني څرګنده کړې ده.
د چين د بهرنيو چارو وزارت وياند جاو لي جيان د جون په ۲۹مه نېټه په يوې خبري غونډې کې وويل، چې په امريکا کې د ۵۰ کډوالو مړينه يوه تراژيدي ټکان ورکونکې پېښه ده. نوموړي ياده پېښه ډېره خواشينوونکې وبلله او ويې ويل، چې په امريکا کې د مهاجرینو دا ډول غمجنې مړینې تصادفي نه رامنځته کيږي.
مالومات ښیي، چې د امريکا د قانون پلي کونکو ادارو په ۲۰۲۱ مالي کال کې د دغه هېواد او مکسیکو تر منځ پر ګډې پولې شاوخوا يو ميلیون او ۷ لکه غیرقانوني کډوال نیولي، چې ۱۴۵ زره يې ماشومان دي او دغه شمېر د تېرو ۲۰ کلونو ریکارډ مات کړی دی.
جاو لي جيان وويل، چې امريکا بايد د مهاجرينو د چارو په اړه خپلې غلطۍ جدي وڅيړي او بايد اصلاح يې کړي او د دوی د بشري حقونو او اساسي حقوقو د ساتنې لپاره بايد عملي تدبيرونه او د دغه شان غميزو مخه ونیسي.
(ژباړه: شکريه)