د چين د دولتي شورا غړي او د بهرنيو چارو وزير وانګ يي د اګست په ۵مه نېټه د کمبوديا په پلازمېنه پنوم پن کې د ختیځې اسيا د همکاريو په اړه د بهرنيو چارو وزيرانو له غونډې وروسته په یوه مطبوعاتي غونډه کې ګډون وکړ.
نوموړي وویل، چې د امريکا د استازو جرګې مشرې نانسي پيلوسي د چين له احتجاج سره سره او د امريکايي حکومت تر منظورۍ او تنظيم لاندې د چين تايوان سيمې ته سفر وکړ.
ده زیاته کړه، چې د پيلوسي دغه ناسم سفر د چين پر ملي حاکميت سخت تېری وکړ، د چين په کورنيو چارو کې یې لاسوهنه وکړه، د امريکا له مخکنۍ ژمنې یې سرغړونه وکړه او د تايوان تنګي سوله او ثبات يې ويجاړ کړل.
وانګ یي وويل، چې چين د امريکا د ناسمې کړنېپه مقابل کې کلک ځوابي تدبيرونه نيولي. د چين دريځ مناسب، معقول او قانوني دی، د چين تدبيرونه کلک، قوي او مناسب دي، د چين پوځي تمرين علني، شفاف او مسلکي دی، چې له کورنيو او نړيوالو قوانينو او د نړیوالې ټولنې له قواعدو سره سمون لري.
ده زیاته کړه، چې چين به خپل ملي حاکميت او د خاورې بشپړتيا کلکه خوندي کړي، د امریکا هغه دسيسه به ويجاړه کړي، چې د تايوان له لارې د چين د پرمختګ مخنيوی غواړي، د تايوان د ادارې هغه بې ځايه خيال به مات کړي، چې د امريکا په مټ تش په نامه خپلواکي تر لاسه کول غواړي.