د چين پلازمينې بېجينګ ختيځ لور ته په کابو ۱۸۰ کيلومترۍ کې د هه بې ولایت اړوند «تانګ شان» په نوم يو ښار دی.
دغه ښار د نړۍ د فولادو اتمه برخه توليدوي او په هه بې ولایت کې تر ټولو زياته اندازه ده.
نو ځکه په دې ښار کې هوا د نورو ښارونو په پرتله ډېره ککړه ده
.
لاندې عکس له سپوږمکۍ څخه اخيستل شوی او نسبتا پاک او شفاف ښکاري.
خو لس کاله مخکې به د ياد ښار د اوسپنې او فولادو د تولیدي فابريکو د باندې فضا ډېره خړه وه او د ۲۰۲۱ م کال په مارچ کې دا ککړتیا کمه او اوس له فضا څخه د فابريکې ودانۍ او تاسیسات په شفاف ډول ليدل کېږي.
په تېرو لسو کلونو کې د صنعتي چارو د ککړتيا کمولو سره هممهاله له انرژۍ څخه استفاده ښه شوې او ډېره ککړتیا نه رامنځته کوي.
د هه بې ولايت په چين کې د انرژيو په تولید کې د بدلون ستر رول لري. په تېرو لسو کلونو کې د هېواد په بېلا بېلو ځايونو کې د بريښنا او نورو پاکو انرژيو په وسيله د انرژۍ د توليد ماشينونه ډېر زيات شوي. د پاکې انرژيو له لارې د بريښنا توليد اندازه اوس په ټوله نړۍ کې لومړی مقام خپل کړی. د هوا کيفيت د اوسيدونکو د نيکمرغۍ له احساساتو سره مستفيم تړاو لري. د چين د دولت رئيس شي جين پينګ ويلي چې بايد خلکو ته د شنه آسمان، سپيې ورېځې او شفافو ستورو د لیدو زمینه برابره شي.