په ملګرو ملتونو کې د چین مرستیال دايمي استازي ګنګ شوانګ د اګست په ۲۳مه نېټه د امنیت شورا د اوکراین د اټومي تاسیساتو د څار په یوې غونډې کې وينا کړې او له روسیې او اوکراين يې غوښتي، چې سړه سینه وساتي او د اوکراین د زاپورژیا د اټومي برېښناکوټ د پېښو خطر کم کړي.
په دې وروستيو کې د زاپورژيا اټومي برېښناکوټ توغندیز بريدونه شوي، خو اوکراين او روسيه يې پړه یو پر بل اچوي.
ګنګ شوانګ د زاپورژيا پر اټومي برېښناکوټ د يادو بريدونو په اړه اندېښنه څرګنده کړې او پر ښکېلو لوريو يې غږ کړی، چې سړه سېنه وساتي او د ياد برېښناکوټ امنیت خوندي کړي.
نوموړي زياته کړې، چې دغو بريدونو یاد برېښناکوټ ته مستقیم زيان نه دی اړولی، خو د اټومي تجهیزیاتو د امنیت ساتنې په چارو کې هېڅ تېروتنه د زغم وړ نه ده، هره پېښه یې د سختې اټومي پېښې د رامنځته کېدو سبب ګرځي.
کنګ شوانګ ويلي، که د زاپورژيا اټومي برېښناکوټ ته زيان ورسیږي، نو د اوکراین او شاوخوا هېوادونو پر بیلوژيکي چاپېریال او عامې روغتیا به ډېره بده اغېزه وکړي.
نوموړي د شخړې له ښکېلو خواوو غوښتي، چې تر وسې پورې سړه سینه وساتي، نړیوال قوانین دې جدي مراعات کړي او اټومي خوندیتوب ته له ګواښ رسوونکو کړنو دې ډډه وکړي.
(هیله)