روسیه: د زاپورژیا اټومي برېښناکوټ ته د اوکراین د ډرونونو مخه مو نېولې
CMG2022/09/05 11:48:57
شريکول:

 د روسیې د دفاع وزارت د سپتمبر په ۴مې نېټې په یوې اعلاميې کې ويلي، چې اوکرایني ځواکونو د روانې میاشتې په ۳مې نېټې غوښتل، چې د ۸ ډرونونو په وسیله، د زاپورژیا پر اټومي برېښناکوټ بريدونه وکړي.

اعلاميه وايي، چې د اوکراين ياد ډرونونه په ګوليو سمبال وو، خو روسي ځواکونو د نوموړو ډرونونو مخنیوی کړی دی.
اعلاميه زياتوي، چې د روسي ځواکونو الکترونيکي سامان الاتو د اوکراين يادو ډرونونه اړ کړي، چې د زاپورژیا اټومي برېښناکوټ ته په 1.5 کیلومتره کې ټولې ګولۍ وغورځوي.

په اعلاميې کې د زاپورژیا اټومي برېښناکوټ ذروي وړانګې عادي بللې شوې دي. 

اوکراین تر اوسه د روسيې د يادې ادعا په اړه غبرګون نه دی ښودلی.

 (هیله)