د چين د هانکانګ د جنوبي چين د سهاري پوست ورځپاڼې د روان ۲۰۲۲ م کال د اکتوبر په دوهمه نېټه خبر ورکړی چې له اقلیمي بدلون سره مبارزه د ګردې نړۍ پر وړاندې تر ټولو لويه ننګونه ده. چين د اقلیمي بدلون د منفي اغېزو د له منځه وړلو کار د يو کمربند او يوې لارې د وړانديز د مهم ټکي په توګه ټاکلی . دغه وړانديز يو سلګونه کلن پلان دی او د نړۍ څو لویې وچې به ترې برخمنې شي او موخه يې د بنسټيزو تاسيساتو د ابادۍ له لارې د ورېښمو لرغونې لارې په اوږدو کې د پرتو هېوادونو د اقتصادي چارو پيوستون دی.
څرنګه چې د يو کمربند او يوې لارې په اوږدو کې ډېر پراته هېوادونه له اقليمي بدلون سره د مبارزې په برخه کې د پاملرنې وړ ګرځېدلي دي، نو د دغو هېوادونو ترمنځ همکارۍ د اقليم د عادي کېدو لپاره ډېر مهم دی.
زرغون پرمختګ، د يو کمربند او يوې لارې د زرغون پرمختګ په اړه د چين د چاپېريال ساتنې وزارت لخوا د جوړ شوي نړيوال اتحاد عمده موخه ده. د ياد وړانديز موخه نه يوازې په اقتصادي برخه کې د يو کمربند او يوې لارې په اوږدو کې د پرتو هېوادونو د زرغون پرمختګ لپاره د نړيوالو ګډو نظريو تر لاسه کول، د متقابل تفاهم، همکاريو او ګډو عملياتو پرمخ بېول دي بلکې د چاپېريال او پرمختګ په تړاو د دواملرونکي پرمختګ د موخې د تر سره کولو لپاره له اړوندو هېوادونو سره مرستې هم دي.
د يو کمربند او يوې لارې د يوې برخې په توګه د چين د لان جو پوهنتون د ليزر رادار شبکې په جوړولو بوخت دی او د پاکستان په شمول له ځينو نړيوالو همکارانو سره د هوا څارنې او څېړنې کوي. د چين د ليزر رادار شبکه او اړوند تخنيک به خامخا د پاکستاني اقلیم د عادي کېدو لپاره مهمه وسيله وګرځي.
د پاکستان (Pak Observer) ورځپاڼې د سپتمبر په ۲۸مه نېټه خبر ورکړی چې د چين او پاکستان ترمنځ د زرغون اقتصادي دهلېز د افکارو په پلي کولو سره به هغه نوې زمانه به پيل شي چې د يوې زرغونې پروژې له لارې د راتلونکو نسلونو لپاره ښه چاپېريال برابروي. دا د يو کمربند او يوې لارې د وړانديز مهمه ازمايښتي پروژه هم ده او له دې لارې به د بنسټيزو تاسيساتو د ابادۍ، د تخنيکي او پولي چارو زرغون پرمختګ وهڅوي.
د چین او پاکستان ترمنځ د اقتصادي دهلېز زرغون پرمختګ د ښه کېدو په حال کې دی چې همدا نه يوازې د پاکستان د ځايي استخدام او د تخنيکي ښوونې د پرمخ بېولو بلکې د پاکستان د دواملرونکي پرمختيايي توان د پياوړتيا لپاره ګټوره ده. چين چمتو اوسي چې له اړوندو تجربو او تخنيکونو څخه په استفادې سره د دې هېواد د زرغون پرمختګ د هیلو او موخو د لاسته راوړلو لپاره هڅې وکړي.
د چين کارپوهانو د نوي تخنيک په وسيله سېلابونه پر يوې سرچينې بدل کړي او په دې توګه يې نه يوازې د سېلابونو د مخنيوي په برخه کې له هغوی سره مرستې کړې بلکې د کرنيز جوړښت او د کرنيز کښت په برخه کې يې ورسره مرستې کړې دي. سربېره پردې د چين په هڅو او مرستو سره د پاکستان په لويو ښارونو کې ناپاکه او د ککړتیا څخه ډکه هوا په پاکه هوا بدلېدی شي. ځکه چې چين د بېجينګ او شانګهای په شمول لويو ښارونو کې د ککړتيا د مخنیوي لپاره ډېرې تجربې راغونډې کړې، نو له پاکستان سره ښه مرسته کولی شي.
سربېره پردې د کینيا د ملي ورځپاڼې د خبر له مخې چين له افريقا سره نژدې اقتصادي اړيکې لري، نو وړتيا لري چې په دې سيمه کې له زياتېدونکو اغېزو په استفادې له اقليمي بدلون سره د مبارزې لپاره ورسره مرسته وکړي.
د تېر کال په دسمبر کې د افريقا او چين ترمنځ د وزيرانو په کچه چارواکو د چين او افريقا ترمنځ د همکارۍ فورم د وزيرانو په کچه په اتمې غونډې کې د يوې اعلاميې په خپرولو سره اعلان کړی چې له اقليمي بدلون سره د مبارزې لپاره اړوندې پروژې چټکې کړي. په ورته وخت کې چين ژمنه کړې چې هغوی ته مرستندويه توکي او تجهيزات برابر کړي او د ټيټ کاربن د ايستنې او د شنو خونو ګازو د لږې ايستنې لپاره د نمونوي سيمو د جوړولو لپاره هڅې وکړي.