روغتيا نړيوال سازمان د اکتوبر په ۲۰مه نېټه يو لړ تازه شمېرې خپرې کړي، چې له مخې يې د منځنۍ اروپا پر وخت د روانې مياشتې د ۲۰مې نېټې د مازديګر تر ۶ بجو او ۲۱ دقيقو پورې په ټوله نړۍ کې پر کرونا وبا د اخته کسانو شمېر د تېرې ورځې د شمېر په پرتله ۳۷۱ زره او ۸۷۶ زياتوالی ښيي او عمومي شمېر يې ۶۲۳ ميليونه، ۴۷۰ زره او ۴۴۷ ته رسېدلی دی.

د مالوماتو له مخې، په همدې مودې کې د دې وبا له امله ۱۱۴۳ کسان مړه شوي او د مړينې عمومي شمېر يې ۶ ميليونه، ۵۵۱ زره او ۶۷۸ ته رسېدلی دی.

(مينه)