د ايټالیې د نوي حکومت لومړۍ وزیرې ګیوجیا میلوني او د کابینې غړيو يې د اکتوبر په ۲۲مه نېټه د دغه هېواد په ولسمشرۍ ماڼۍ کې لوړه وکړه.

میلوني د اېټاليې په تاريخ کې لومړۍ صدراعظمه ده. 

په نوي حکومت کې د ائتلافي ګوند مشر ماتیو سلويني د مرستیال لومړي وزیر او د بنسټيزو تاسیساتو وزیر په توګه ټاکل شوی، د اروپايي کمیسیون پخوانی مشر انټونیو تاجاني د دويم مرستیال لومړي وزیر او د بهرنیو چارو وزیر په حيث او د اقتصاد پخوانی وزیر ګیانکارلو جیوګیتي د اقتصاد وزیر په توګه ټاکل شوی دی. 

د اېټاليې د اساسي قانون له مخې، د حکومت نوي وزیران او کابېنې غړي باید د دې هېواد له پارلمان څخه د باور رايه ترلاسه کړي.

 (هیله)