د جاپان دفاع وزارت د نومبر په ۲۹مه نېټه اعلان کړی، چې د امريکا له پوځ سره يې د استخباراتو څېړنيزه اداره (BICA) جوړه کړې ده.
جاپان د دغې ادارې د جوړولو موخه د خپلو دفاعي ځواکونو او امريکايي پوځ لخوا د راټولو شويو استخباراتي مالوماتو شريکول او تحليلول ياد کړي دي.
دواړو هېوادونو په تېر سپتمبر کې د امريکا د بېپيلوټه کشفي الوتکې (( MQ-9)) د استعمال پر مهال د يادې ادارې پر جوړولو موافقه کړې وه.
د جاپان دفاع وزارت ويلي، چې ياده اداره د دغه هېواد د دفاع وزارت د استخابراتو ادارې د مشر، د ځمکني، سمندري او هوايي ځواکونو د چارواکو او د امريکايي هوايي ځواکونو د چارواکو په ګډون کابو ۳۰ غړي لري.
(ژباړه: شکريه)