د چین د بهرنيو چارو وزارت وياندې هوا چون يينګ رسنيو ته ويلي، چې د دغه هېواد دولت رئيس شي جين پينګ به د سعودي عربستان د پاچا سلمان بن عبدالعزيز السعود په بلنه د ډسمبر له ۷مې نېټې څخه تر ۱۰مې نېټې پورې د دغه هېواد پلازمېنې رياض ته سفر وکړي او هلته به د چين ـ عربي هېوادونو په سرمشريزې او د چین ـ د خليج عربي هېوادونو د همکاريو کمېسيون په سرمشريزې کې ګډون وکړي او له سعودي عربستان څخه به رسمي ليدنه وکړي.