(انځور: د چين د جيانګ شي ولايت د ګان جو ښار يه يوه فابريکه کې کارګر د ۵ جي پردو په توليدولو بوخت دي)
د چين حکومت په دې وروستيو کې د کرونا وبا د وقايي او کنترول تدبيرونه اصلاح کړي. دغه راز ځينې وګړي پوښتنه لري، چې که په پای کې د قرطين تدبيرونه لغوه شي، ايا د کرونا وبا ضد مبارزه کې د اقتصادي زيانونو په بيه شوي کوښښونه وړ و او که نه؟
يادې پوښتنې ځواب دا دی، چې د وګړو د روغتيا خونديتوب د توليدي قوې د ساتنې بنسټ دی.
د چين حکومت د کرونا وبا ضد مبارزه کې د جدي تدبيرونو په نيولو سره تر ممکنه حده د خلکو ژوند ژغورلي او د خلکو روغتيا يې ساتلې، دا کار په دې معنا دی، چې توليدي قوت يې هم ساتل شوی.
که څه هم د کرونا وبا ضد مبارزې چين ته اقتصادي زيانونه رسولي، خو چين د ډيجټلي اقتصاد د پرمختګ فرصت موندلی دی. ډيجټلي اقتصاد په ۲۰۲۱م کال کې د چين د اقتصادي پرمختګ مهم انجين ګرځېدلی او د دغه هېواد د کورنيو توليداتو په عمومي ارزښت کې يې ۳۸،۹ سلنه نيولې.
چين د ډيجټلي کېدو په لاره کې د باکيفيته پرمختګ په هڅه کې دی.