د ايران د بهرنيو چارو وزارت وياند ناصر کنعاني د ډسمبر په ۲۶مې نېټې يوې خبري ناستې ته ويلي، چې د دغه هېواد د بهرنيو چارو وزير امير حسین عبداللهيان او د سعودي عربستان خارجه وزير فيصل بن فرحان د اردن په پلازمېنې عمان کې د بغداد د همکاريو او مشارکت په دوهم کنفرانس کې ښې او مثبتې خبرې کړې دي.
کنعاني ويلي، ایران چمتو دی، چې له سعودي سره خبرو اترو ته دوام ورکړي، څو د سيمې دوه مهم هیوادونه خپلې رسمي اړیکې بیا پیل کړي.
نوموړي ويلي، چې ايران او سعودي پر عراق باور لري او د دغو دواړو هېوادونو د خبرو نوي پړاو ته د مناسبو شرايطو د رامنځته کولو په پار د عراق هڅې ستايي او هرکلی یې کوي.
(ژباړه: شکريه)