د امریکا د فلوریډا ایالت پولیسو د جنورۍ په ۱۶مې نېټې خبري رسنيو ته ويلي، چې په همدې ورځ د ياد ایالت په فورټ پیرس ښار کې د مارتین لوتر کینګ په یادغونډې کې ډزې شوي، چې له امله يې ۸ کسان ټپيان شوي دي.

پولیسو په ټپيانو کې د يوه حالت مرګونی ښودلی دی.

د مالوماتو له مخې، د ډزو ياده پېښه د فلوريډا ایالت د فورټ پیرس ښار په هغه پارک کې شوې، چې د مارټین لوتر کینګ يادغونډه پکې روانه وه.

په دغې غونډې کې شاوخوا زرو کسانو برخه اخيستې وه.

پولیسو د پېښې د لومړنيو پلټنو وروسته ويلي، چې ياده پېښه د دوو ډلو ترمنځ د اختلاف له امله رامنځته شوې ده.