د لاتيني امريکا او کارابين سیمې د هېوادونو ټولنې اوومه سرمشريزه د جنورۍ د ۲۴مې نېټې په شپه د ارجنټاين په پلازمېنې بوينوس ايرس کې د يوې اعلاميې په خپرېدو پای ته ورسېده.
د یادې ټولنې د ۳۳ غړو هېوادونو استازو د بوينوس ايرس اعلاميه لاسلیک کړې ده.
په اعلامیه کې ویل شوي، چې د لاتيني امريکا او کارابين سیمې ټولو هېوادونو ژمنه کړې، چې په ګډه به د سیمې دخلکو حقونه او ګټې ساتي او د سیمه ییز ادغام پروسه به ګړندی کوي.
په يادې اعلاميې کې پر کيوبا، وينزويلا او د لاتيني امريکا پر ځينو نورو هېوادونو د امريکې متحده ایالاتو بنديزونهاو انزوا له نړيوالو قوانينو سره په ټکر کې بلل شوي دي.
اعلاميه وايي، چې د متحده ایالاتو بنديزونو د اړوندو هېوادونو د خلکو حقونو او ګټو ته سخت زيانونه رسولي او پر واشنګټن يې غږ کړی، چې خپلې نامناسبې کړنې پای ته ورسوي.