د اسرائيل دفاعي ځواکونو د اپرېل د شپږمې نېټې په شپه د لبنان له جنوب څخه د راکټي بريدونو په غچ کې په غزې کې د حماس پر څو هدفونو بريدونه کړي دي.
د فلسطين يوې امنيتي سرچينې رسنيو ته ويلي، چې د اسرائيل جنګي الوتکو د مارچ د شپږمې نېټې په شپه د غزې پر څو سيمو لسګونه توغندي ویشتلي، خو د مرګژوبلې په اړه يې کره څه نه دي ويل شوي.
د فلسطين په ځينو سيمو کې د سختو چاودونو غږونه اورېدل شوي او د غزې په اسمان کې د تور لوګي لېدل شوي دي.
د اسرائيل پوځ د شپږمې نېټې په ماسپيښين په یوې اعلامیې کې ويلي، چې په همدې ورځ له لبنان څخه د اسرائیل پر شمالي سيمو ۳۴ توغندي توغول شوي، خو دفاعي سیسټم يې ۲۵ توغندي په هوا کې شنډ کړي دي.
اسرائيل پوځ د يادو توغنديو تور پر حماس لګولی دي. (ژباړه: شکريه)