د چين د دولت رئيس شي جين پينګ د اپرېل په ۱۴مه نېټه د بېجينګ د خلکو په لوی تالار کې د برازيل له ولسمشر لويز اناسيو لولا ډا سيلوا سره خبرې وکړې.
شي جين پينګ په دې کتنه کې وویل، چې روان کال د چين او برازيل تر منځ د ستراتيژيکو همکاريزو اړيکو د جوړولو له ۳۰مې کليزې سره برابر دی او راتلونکی کال به د دواړو هېوادونو تر منځ د سياسي اړيکو د جوړېدو له۵۰مې کليزې سره برابر وي. چين د باکيفيته پرمختګ او د لوړې سويې د ورخلاصون هڅه کوي او د چيني شکله عصري کېدو له لارې په هراړخيزه توګه د چيني ملت د بيا پیاوړتیا لپاره هلې ځلې او د برازيل په شمول بېلا بېلو هېوادونو ته د لا زیات فرصتونو لپاره کار کوي. دواړه هېوادونه بايد واقعي همکارۍ ټينګې کړي، اوسنۍ مهمې او همکاريزې پروژې دې په ثابته توګه پياوړې کړي، د کرهنيزو چارو، انرژيو او د بنسټيزو تاسيساتو د ابادۍ، د هوانوردۍ او فضانوردۍ، د ساينس او تېکنالوژيو په شمول ساحو کې دې د همکارۍ پټ توان ومومي.
شي زیاته کړه، چې چين هرکلی کوي د برازيل ښه توليدات د چين بازار ته داخل کړي. چين غواړي د يو کمربند او يوې لارې پېشنهاد او د برازيل د صنعتي چارو د بيا احيا کېدو د ستراتيژۍ ترمنځ د پيوستون او د ګډې ابادۍ په هکله له برازيل سره خبرې اترې وکړي.
دغه راز د دواړو هېوادونو مشرانو د اوکراين بحران په هکله د نظريو تبادله وکړه او دواړه په دې نظر وو، چې خبرې اترې د اوکراين بحران د حلولو يوازينۍ لاره ده او د دغه بحران د سوله ايز حل و فصل لپاره هره هڅه د ملاتړ وړ ده.
دواړو مشرانو له خبرو اترو وروسته د تجارتي پانګونو، ډجيټلي اقتصاد، ساينس او تېکنالوژيو او نوښت په شمول ساحو کې د دوه اړخيزو همکاريو سندونه لاسليک کړل.
همدا راز دواړو لوریو د چين ولسي جمهوريت او د برازيل د فدرالي جمهوريت تر منځ د هراړخيزو ستراتيژيکو همکاريزو اړيکو د ټينګښت په اړه ګډه اعلاميه خپره کړه.