د چين - منځنۍ او ختيځې اروپا هېوادونو درېيم نندارتون، يعنی د مصرفي توکو نړيوال نندارتون به د مې له ۱۶مې څخه تر ۲۰مې پورې د چين د جه جيانګ ولايت په نينګبو ښار کې  جوړ شي،  موضوع يې « د همکارۍ ژورتیا  او د راتلونکي لپاره ګډ کوښښونه »  ده. دا معلومه  شوې، چې په دې نندارتون کې به شاوخوا ۳۰۰۰ تصدۍ ګډون لري، چې د  تېر دوره  نندارتون په پرتله ۳۰٪ زیاتوالی ښيي. تمه کیږي، چې سږ کال به د ګډون کوونکو شمېر له ۱۰۰ زرو تنو څخه ډېر وي.

په وروستيو کلونو کې د چين او د منځنۍ او ختيځې اروپا هېوادونو ترمنځ اقتصادي او سوداګريزو همکاریو مثبت پرمختګ  کړی دی. د سږ کال په لومړۍ ربعه کې د دواړو خواوو ترمنځ د سوداګرۍ اندازه ۳۳.۳ مليارډو امريکايي ډالرو ته رسېدلې، چې په سلو کې ۱.۶ زياته شوې  او په ټوليزه توګه يې ثابت پرمختګ  ښودلی دی.