د چين د سوداګرۍ وزارت مطبوعاتي وياندې شو يو تينګ د مې په ۱۱مه نېټه يوې مطبوعاتي غونډې ته وویل، چې د سږکال په لومړيو درېیو مياشتو کې د چين د ازادې سوداګرۍ ازمايښتي سيمو بهرنۍ سوداګرۍ او پانګې په چټکه توګه زیاتې شوي دي.
د شمېرو له مخې، د چين د ازادې سوداګرۍ د ۲۱ ازمايښتي سيمو صادراتي او وارداتي اندازه ۱۸۰۰ ميليارډو يوانو ته رسېدلې، چې د تېر کال د همدې مودې په پرتله ۶.۶ سلنه زياتوالی ښيي. په دغو سيمو کې د کارول شويو بهرنيو پانګو اندازه ۷۱.۹ ميلياډو يوانو ته رسېدلې، چې ۲۲.۱ سلنه زياتوالی ښيي.
نوموړې وویل، چې سږکال د چين د ازادې سوداګرۍ د ازمايښتي سيمې د جوړېدو لسمه کليزه ده. د سوداګرۍ وزارت به يو لړ فعاليتونه تر سره کړي، څو د چين او بهرنيو هېوادونو تصدۍ د ازمایښتي سيمو نوي تدبيرونه معلوم او د پرمختګ نوي فرصتونه په پام کې ونیول شي.