د یمن د عامې روغتیا او نفوس وزیر د مې په ۱۷مه د یوې اعلاميې په خپرولو سره وویل ، چې سږ کال څه باندې ۵۵ زره افریقايي کډوال په ناقانونه توګه دغه هېواد ته ننوتلي، دغه شمېر د مخکنیو  دوو کلونو په نسبت ډېر زیات  دی. 

نوموړي وویل، سره له دې چې اوس یمن له سخت  بشري بحران سره مخ دی، خو د یمن حکومت به تر وسې پورې افریقايي کډوالو ته مرستې  برابرې کړي. هغه پر دې ټينګار  وکړ، چې د ملګرو ملتونو او  نورو بشردوستو سازمانونو مرستې د دغو افریقايي کډوالو د ژوند د تصمین لپاره ډېرې مهمې دي. (هیله)