د چین ګټې څوک نشي ننګولی
CMG2023/06/05 15:14:46
شريکول:

د شانګریلا ۲۰م ډیالوګ د جون په ۴مې په سینګاپور کې پای ته ورسېد. د چین استازو د مغولستان، نیوزیلنډ، فلیپین، کمبوډیا، مالیزیا، جرمني، بریتانیې، استرالیا، جاپان، کوریا جمهوریت، اندونیزيا او اروپايي ټولنې په شمول یو شمېر هېوادونو او نړیوالو سازمانونو د دفاع وزیرانو او یا پلاویو له مشرانو سره د دوه اړخیزو اړیکو، د نړیوال او سیمه ییز وضعیت او د ګډې ګټې او علاقې وړ موضوعاتو په هکله د نظریو تبادلې وکړې.

د چیني پلاوي کارپوهانو تر یاد ډیالوګ وروسته په یوه خبري ناسته کې وویل، چین د نړیوالې سولې ساتلو لپاره عملي کوښښونه کړي، نړیوالې ټولنې ته يې د عامه امنیت د لا زیاتو تولیداتو د برابرولو لپاره فعال خدمتونه ترسره کړي او د نړیوالې ټولنې لخوا يې پراخ هرکلی شوی او منل شوي دي. د شانګریلا ډیالوګ د امنیتي موضوعاتو د مشورې ډګر دی. د چین پلاوی په سږني ډيالوګ ګې د سولې، پرمختګ او همکارۍ د عملي کولو لپاره په سږني ډیالوګ کې ګډون کړی.

د چین د نظامي علومو اکاډمۍ پخوانی مرستیال تورن جنرال وویل، د چین د دفاع وزیر لي شانګ فو د جون په ۴مه نېټه دغه ډیالوګ ته د امنیت په اړه د چین نوی وړاندیز تر عنوان لاندې یوه وینا وکړه او په خپلو خبرو کې يې نړیوالې ټولنې ته د چین شکله عصري کېدو مهم ارزښت معرفی کړ، یعنې پر سولې او پرمختګ ټينګار کول نه یوازې د چیني خلکو لپاره ګټور دي، بلکې د نړۍ پرمختګ د هڅولو لپاره يې پیاوړی حیاتي ځواک او ګټور فرصتونه برابر کړي او د نړیوالې سولې د ساتلو او د نړیوالې ادارې د بشپړتیا لپاره يې فعال رول لوبولی دی.

د چین د دفاعي پوهنتون د ملي امنیت پوهنځي مرستیال پروفیسور جانګ چه وویل، لکه د دفاع وزیر لي شانګ فو چې ویلي، چین نړیوالې ټولنې ته د عامه امنیت ګڼ شمېر تولیدات برابر کړي دي، مثلاً چین د امنيت شورا په ۵ دایمي غړو هېوادونو کې هغه هېواد دی چې نورو هېوادونو ته يې تر ټولو زیات سوله ساتونکي سرتیري لیږلي، چین د کرونا وبا ضد مبارزه کې څه باندې سلو هېوادونو او نړیوالو سازمانونو ته څه د پاسه ۲ میلیارډ ډوزه واکسین برابر کړی دی.

جانګ چه وویل، چین د یو کمربند او یوې لارې، د سیمې د هراړخیزو اقتصادي همکاریزو اړیکو تړون یعنې رسیپ په شمول همکاریز ډګرونه هم جوړ کړل. دا هم د چین لخوا وړاندې شوي عامه تولیدات دي. د اسیا هېوادونو خپلمنځي توپیرونه ښه کنټرول کړي، نو په تېرو ۴۰ کلونو کې اسیا په نړۍ کې تر ټولو سوله ییز ځای دی او د پرمختګ د لیدو وړ بریالیتوبونه يې تر لاسه کړي دي.

جانګ چه زیاته کړه، چې د واشنګټن خبرې او کړنې یو له بل سره په ټکر کې دي، د تایوان تنګي او جنوبي سمندر موضوعاتو په هکله يې په پر له پسې توګه د چین سرې کرښې ننګولې او له امله يې د چین او امریکې د سیاسي اړیکو بنسټ ویجاړ شوی او د سیمې وضعیت نور هم ترینګلی شوی دی.

د چین د نظامي علومو اکاډمۍ پخواني مرستیال تورن جنرال هه لې وویل، چین تل د خپل هېواد یووالي او سولې ساتلو لپاره کلک دریځ او ټينګ هوډ لري. هېڅ ځواک د خپل هېواد د حاکمیت، امنیت، او یووالي د ساتلو په اړه د چین د خلکو ازادي بښونکي پوځ د ټينګې ارادې مخه نشي نیولای.

هغه وویل، د تایوان او د جنوبي سمندر مسئلې د چین له مرکزي او حساسو ګټو سره تړاو لري. د چین دفاع وزیر لي شانګ فو په خپلو خبرو کې د چین کلک دریځ او ټينګ هوډ په ډاګه کړی او ویلي يې دي چې دوی به د خپل هېواد حاکمیت، امنیت او یووالي د ساتلو لپاره تر وسې پورې کوښښونه وکړو او هېڅ ځواک زموږ مخه نشي نیولای.