په دې وروستیو کې د ډېرو بهرنيو تصديو چارواکو له چين څخه ليدنه وکړه. د امريکا د بيل او ميلينډا ګټس صندوق مشر او د ميکروسافټ شرکت بنسټ ايښودونکي بيل ګټس له بېجينګ څخه ليدنه وکړه او د نوښت پياوړتيا، په ټوله نړۍ کې د بېوزلۍ له منځه وړلو، عامې روغتيا، د درملو د اختراع او د کليو او کليوالو چارو په شمول ځينو ساحو کې يې له چين سره د لا نږدې همکارۍ په لټه کې دی. برسیره پر دې، د امريکا د تيسلا شرکت اجرائيوي رئيس ايلون ماسک د مې په پای کې شانګهای ښار ته ورسېد، چې د ده سفر د چيني او بهرنيو خبري رسنيو پام جلب کړی دی. دغه راز، د اپل (Apple)، سټارباکس(Starbucks)، سانوفي(Sanofi)، انټيل (Intel)،زيمينس (Siemens) په شمول د ډېرو نړيوالو تصديو چارواکو له چين څخه ليدنې وکړې.
دا هم ليدل کېږي، چې په چين کې د بهرنيو تصديو د پانګونې شمېر په زياته اندازه د لوړېدو په حال کې دی. د چين د سوداګرۍ وزارت تازه يوه شميرنه خپره کړه، چې له مخې يې د روان کال له جنورۍ څخه تر مې پورې په چين کې د فرانسې، بريتانيې، کاناډا د واقعي پانګونو اندازه د تېر کال د همدې مودې په پرتله څه باندې سل سلنې ته رسېدلې وه او په چين کې د فرانسې د پانګونې اندازه د تېر کال د همدې مودې په پرتله ۴۲۹اعشاريه ۷سلنه زياته شوه.
د چين د ټولنيز ساينس اکاډمۍ د نړيوال اقتصاد او سياست د څيړنې انسټيټيوټ مرستيال څيړونکې پان يوان يوان وويل، د چين په بازار کې د شیانو کمه مصرف، لوی بازار او د عرضې بشپړ او ټينګ ځنځير د بهرنيو تصديو د راجلبولو عمده لاملونه دي. د اصلي لګښت له لحاظه چين د کارګرو، اصلي موادو، انرژيو او ټرانسپورټ په شمول هره برخه کې برتري لري، د عرضې ځنځير له لحاظه، چين په نړۍ کې يوازينی هېواد دی چې هر ډول صنعت پکې شتون لري او د عرضې ځنځير ثابت ټینګ دی، د بازار له لحاظه، په چين کې نفوس زيات دی، د هر تن پر سر د جي ډي پي شمېر او د اقتصادي پرمختګ بالقوه توان ستر دی، نو د بهرنيو تصديو لپاره قوي راجلبونکی توان لري. د چين حکومت په دې وروستيو کلونو کې د بهرنيو پانګونو د ثابتې ګټې ساتلو لپاره زياتې تګلارې وړاندې کړې د ي.
د بهرنيو تصديو چارواکو په جلا جلا توګه له چين څخه ليدنه وکړه او له چين سره يې د همکاريو پراخوالي په عین وخت کې د چين د بازار په اړه خپل باور ټينګ کړی دی. د جرمني د BMW شرکت د چين په شن يانګ ښار کې د بټرۍ توليدولو په پروژه کې ۱۰ميليارډ يوانه پانګونه وکړه، د ډنمارک د ډانفوس (Danfoss) شرکت په ۱۸ کلونو کې د نهم ځل لپاره د جه جيانګ ولايت په جيا شينګ کې پانګونه زياته کړې، د هاسپانيا د ريو ټينټو ګروپ (Rio Tinto Group) په راتلونکو پنځو کلونو کې د شانګهای په نړيوالو وارداتي نندارتونونو کې د ګډون تړون لاسليک کړی او غوښتنه يې کړې، چې د دغه ډګر له لارې د پرمختګ فرصتونه ومومي.
د چين د بهرنيو چارو وزارت وياند د جون په ۱۶مه نېټه وويل، چې په وروستۍ موده کې په چين کې د بهرنيو هېوادونو سوداګريزو ټولنو راپورونه خپاره کړي او د راپورونو له مخې زياتې بهرنۍ تصدۍ د چين اقتصاد د پرمختګ راتلونکي ته ښه باور لري. په دې جمله کې نږدې شپيته سلنه امريکايي تصدۍ د چين د اقتصاد د بيا احيا کېدو په هکله رغنده رويې لري، د بريتانيې ۸۶سلنه تصدۍ د چيني بازار د راتلونکي بالقوه توان په هکله خوشبين دی او څه باندې ۹۰ سلنه جاپاني تصدۍ پلان لري، چې په چين کې خپلې چارې پراخې او يا وساتي. په دې حال کې چين د بهرنيو تصديو او پانګونو د راجلبولو اندازه زياتوي او په چين کې د پانګونې د خدمتونو ضمانت پياوړی کوي. چين د ځان د نوي پرمختګ او د لوړې سويې ورخلاصون له لارې په پر له پسي ډول نړۍ ته فرصتونه برابروي.
د چين د انکشاف او سمون کمېټې د جون په ۱۴مه نېټه وويل، چې چين د لا زياتو بهرنيو پانګونو د راجلبولو لپاره تدبيرونه څېړي او اړوندې تګلارې به وړاندې کړي، چې په معقوله توګه چيني بازار ته داخل کېدو ته د اجازه کولو منفي لېست به کم کړي او د بهرنيو سوداګرو د پانګونو خدمتونه به په ښه توګه تر سره کړي.
د چين د انکشاف او سمون کمېټې د سرمنشي مرستيال يوان دا وويل، موږ به په دوامدارتوګه د نړيوالو صنعتي چارو د پانګونې او همکارۍ لپاره يو لړ فعاليتونه تر سره کړو، په چين کې به د نړيوالو شرکتونو د پانګونو لپاره ډګرونه جوړ کړو، له چيني بازار سره به د بهرنيو تصديو د مستقيمو تماسونو ميکانيزم بشپړ کړو، پر وخت به د تصديو مسئلې او معقولې غوښتنې حل کړو او د تصديو د پانګونو او د توليدي چارو لپاره به اسانتياوې برابرې کړو.
څيړونکې پان يوان يوان وويل، چې په چين کې د نړيوالو تصديو د پانګونو زياتوالی دا پيغام وړاندې کوي چې چين د بهرنيو پانګونو راجلبولو اندازه زياتوي او دغه راز بهرنۍ پانګې چيني بازار ته اړتيا لري. په چيني بازار کې د ګټو ثابت والی، په دغه هېواد کې د بهرنيو تصديو د پانګونو مستقيم انجن دی.