د ډيموکراتيکې کوريا د خبري رسنیو له مخې، د دغه هېواد د کارګرو ګوند د مرکزي کمېټې مرستيال مشرې کيم يو جونګ د جولای په ۱۴مه يوه وينا وکړه او ويې ويل، چې د ډيموکراتيکې کوريا د ذروي مقابلې په وړاندې د امريکا د دښمنانه او ګواښ لرونکو تګلارو ماتول د کوريايي ټاپووزمې او اسيا او ارام سمندر سيمې کې د ذروي جګړې د مخنيوي لپاره زموږ عادلانه او دفاعي حق دی. ځکه امريکا د ډيموکراتيکې کوريا په وړاندې لمسوونکي کړنې کوي، کوريايي ټاپووزمه د ذروي جګړې له خطر او نږدې کرښې سره مخ ده او د ذروي جګړې پيل نوره فرضیه نه ده.
نوموړې د ملګرو ملتونو په امنيت شورا کې د ډيموکراتيکې کوريا د لویو وچو ويشتونکي توغندي د توغولو په اړه د غونډې په اړه ناخوښي څرګنده کړه. هغې وويل، چې د ملګرو ملتونو امنيت شورا د نړۍ د سولې او ثبات په مقابله کې ولاړه ده او د امريکا او لويديځو هېوادونو په خوا کې د سړې جګړې د یوې څانګې په توګه کار کوي.
ډيموکراتيکې کوريا د جولای په ۱۲مه د مارس-۱۸ د لویو وچو ويشتونکی توغندی وتوغاوه او ويې ويل، چې دغه وسلې د ذروي ضربه یي ځواکونو مرکزي وسلې دې.