د روسيې ملي دفاع وزارت د اګست په لسمې نېټې خبر ورکړی، چې هوايي دفاعي سيسټم يې د همدې ورځې په سهاروختي په مسکو ایالت او ځينو نورو سيمو کې د اوکراين ۱۳ بې پيلوټه الوتکې غورځولې دي.
خبر وايي، چې د اوکراين دوې بې پيلوټه الوتکې د اګست د لسمې نېټې په سهار وختي د مسکو په لور روانې وي، چې د روسیې دفاعي سيسټم کشف کړي او په مسکو ایالت او کلوژسکایا ایالت کې يې راغورځولې دي.
د مسکو ښاروال سبياني پر ټولنيزو رسنیو ويلي، چې دوو بې پيلوټه الوتکو هڅه کوله، چې پر مسکو بريد وکړي، خو د هېواد هوايي دفاعي سيسټم کشف او رانسکورې کړې دي.
روسي ځواکونو د اوکراين دوې نورې بې پيلوټه الوتکې د روسيې سيواستوپول ښار ته ورڅېرمه سیمې کې غورځولې دي.
خبر وايي، چې د روسیې هوايي دفاعي سيسټم د اوکراین ۹ نورې بې پيلوټه الوتکې هم تر کنټرول لاندې راوستلي او په تور سمندر کې يې غورځولې دي.