د نايجر پوځ د ډيپلوماسۍ او همکارۍ ادارې د اګست په ۲۵ مه په يوې اعلاميې کې په دغه هېواد کې د فرانسې له لوی سفير غوښتي، چې په ۴۸ ساعتونو کې له نايجر ووځي.

اعلاميه وايي، د فرانسې لوی سفير څو ځلې د نايجر پوځ د بهرنيو چارو وزير له ليدنې څخه ډډه کړې او فرانسې څوځلې د نايجر د ملي ګټو پر خلاف  خبرې کړي، نوځکه  د نايجر پوځ له فرانسوي سفير څخه غواړي، چې په ۴۸ ساعتونو کې له نايجر ووځي.

د فرانسې د بهرنيو چارو وزارت د اګست په ۲۵ مه له فرانسوي رسنيو سره د مرکې پر مهال وويل،  د نایجر پوځ حق نه لري، چې له فرانسوي سفير د وتلو غوښتنه  وکړي.