ناټو د نومبر په ۷مه نېټه اعلان وکړ چې د اروپا د متعارفو وسله ‌والو ځواکونو له تړون څخه د روسيې د رسمي وتلو په غبرګون کې به دوی په دې تړون کې خپل ګډون وځنډوي.

د دې علامیه له مخې، د اروپا د متعارفو وسله ‌والو ځواکونو تړون د اروپا-اتلانتيک سمندر د امنیتي چوکاټ لپاره بنسټيز رول لوبوي. ناټو دا تړون مراعات کړی، مګر روسیه یې نه مراعاتوي نو ځکه دا حالت دوام نه شي کولای. د ناټو ټول غړي به په دې تړون کې د ګډون د ځنډولو د پرېکړې ملاتړ کوي.