د هوا پېژندنې نړيوال سازمان سرمنشي پيتري تالاس په دې وروستيو ورځو کې په يوه ځانګړې مرکه کې ويلي، چې په دې وروستيو ورځو کې د چين او امريکا مشرانو په سانفرانسيسکو کې ليدنه وکړه، په دې ليدنه کې د اقليمي بدلون په اړه د دوی څرګندونې د نړيوالو همکاريو له روحیې  سره سمون لري او د اقليمي بدلون ضد پر نړيوالو همکاریو فعاله اغېزه يې لګولې.  د دې تر څنګ، د پاکې انرژۍ په برخه کې يې د چين د خدمتونو لوړه ستاينه کړې.

 په ځايي‌ وخت د نومبر په ۱۵مه نېټه، د چين د دولت رئيس شي جين پينګ د امريکا په سانفرانسيسکو کې د امريکا له ولسمشر جو بايډن سره ليدنه وکړه. دواړو مشرانو په روانو کلیدي لسو کلونو کې د اقليمي بدلون ضد د چين او امريکا د هڅو پر چټکتيا ټينګار  او د په دې وروستيو کې د دواړو هېوادونو د اقليمي بدلون ضد چارو په اړه د دواړو هېوادونو د ځانګړو استازو ترمنځ د فعالو بحثونو هرکلی کړی دی. د مثال په توګه، د ۲۱مې پېرۍ په دوهمه لسيزه کې د کاربن د ايستنې د کمښت عمليات، د ملګرو ملتونو د اقليم بدلون د دوبۍ غونډې (COP28) د برياليتوب په پار ګډې هڅې، د ۲۱مې پېرۍ د دوهمې لسيزې لپاره د چین او امريکا ترمنځ د اقليمي بدلون ضد د عملياتو کاري ګروپ جوړونه او داسې نور.

تالاس د چين او امريکا د مشرانو د يادې ليدنې برياليتوبونو ستاينه کړې او ويلي يې دي چې د چين او امریکا ترمنځ فعاله نظرتبادله خورا مهم اهميت لري.

د نوموړي په خبره، دا چې چين او امریکا تر ۲۰۳۰م کال پورې په نړۍ کې د بيا کاروونکې انرژۍ د جنراتورونو عمومي ظرفيت د ۳ چندو له زياتېدو څخه ملاتړ کوي، د اقليمي بدلون ضد پاریس تړون کې د نړیوالې ټولنې له همکاريزې روحیې  سره سمون لري.

د ملګرو ملتونو د اقليمي بدلون ضد د دوبۍ غونډه (COP28) به د نومبر له ۳۰مې نېټې څخه د ډسمبر تر ۱۲مې نېټې پورې تر سره شي. د هوا پېژندنې نړيوال سازمان د نومبر په ۱۵مه نېټه د يو راپور په خپرولو سره د اقليمي بحران د پر له پسې سخت کېدو جدي خبرداری ورکړی دی.

تالاس رسنيو ته ويلي، چې د ياد راپور له مخې، په ۲۰۲۲م کال کې په اتموسفېر کې د کاربن ډای اکساید، متان، نايټروس اکسايد په شمول د زرغون خونې ګاز کچه بې سارې لوړه شوې ده.

د دې راپور له مخې، څو ميليونه کاله مخکې د ځمکنۍ کرې په اتموسفېر کې د کاربن ډای اکسايد کچه هم ورته سويې ته رسېدلې چې هغه وخت د هوا حررات تر اوس د سانتيګرېد دوه يا درې درجې جګ او د سمندر سطحه يې تر اوس ۱۰ يا ۲۰ مټره لوړه وه.

تالاس ويلي، چې اوس په ځمکنۍ کره کې د کاربن ډای اکسايد د ايستنې اندازه مخ په لوړېدو ده چې نړيواله ټولنه د اقليمي بدلون ضد ګډې هڅې ته لېوالتيا لري. هغه دې ته اشاره کړې، چې اوس انسانان د کاربن ډای اکساید د ايستنې د کمولو پرمختللي تخنيکونه لري، د لمريزې انرژۍ او بادي انرژۍ بيې د ټيټېدو په حال کې دي، بېتري او د برقي موټر سربيې مخ په کمېدو دي. دغه راز مخ په زياتېدونکې تصدۍ په تدريجي ډول د تېل موټرونو له تولیدولو څخه لاس اخلي.

تالاس اوج ته د کاربن ايستنې اندازې د رسېدو په لور د چین د هڅو او تدبيرونو لوړه ستاينه وکړه، لکه ګڼ شمېر منابع يې اچولې او له بيا کاروونکې انرژۍ څخه يې ګټې پورته کړي دي.

نوموړي ياده کړې، چې چين د بيا کاروونکې انرژۍ تر ټولو لوی  توليدونکی هېواد دی، د لمريزې او بادي انرژۍ په تخنيکي برخه کې هم مهم رول لوبوي.  دغه راز دغه هېواد يې د برقي موټرو لومړی لوی توليدونکی هېواد هم بللی دی. د ده په خبره، د برقي موټرو بازار ظاهراً د پراخېدو په حال کې دی، نو چين به د بيا کاروونکې انرژۍ په برخه کې مهم خدمتونه وکړي.