سږکال د چين او یوروګوای  ترمنځ د رسمي اړيکو د ټينګېدو له ۳۵مه کاليزه سره برابر دی. د یوروګوای  ولسمشر لويس البېرتو لاکالی پو د نومبر له ۲۰مې څخه تر ۲۴مې نېټې پورې له چين څخه رسمي ليدنه  وکړه. دا د هغه لومړی ځل دی، چې د یوروګوای د ولسمشر په توګه له چين څخه رسمي لیدنه  کوي.  

نوموړي د يادې ليدنې په ترڅ کې د چين ميډيا ګروپ سره په يوه ځانګړې مرکه کې ويلي، چې چین د دود او عصر د پيوستون يوه ښه بېلګه ده.

کله چې د چين او یوروګوای  ترمنځ دوستي يې ياده شوه ، هغه له چين څخه مننه  وکړه  چې په یوروګوای  کې د کرونا وبا د سختې خپرېدو په وخت کې يې خپل واکسين شريک  کړل. د هغه په خبره، هر څومره  چې وضعيت ښه یا سخت  وي، چين تل يو ښه ملګری دی.

نوموړي هيله ښودلې، چې دواړه هېوادونه د سوداګريزو چارو او کلتوري تبادلو په برخو کې نورې زياتې همکارۍ وکړي.