چین روانه میاشت د ملګرو ملتونو د امنیت شورا د نوبتي رئیسه هېواد دنده پرغاړه لري. په ملګرو ملتونو کې د چین دایمي استازي جانګ جون د نومبر په لومړۍ نېټې د امنیت شورا د غړو هېوادونو استازو ته د لو بان سوه (د لوبې کولب) ډالۍ ورکړې ده.
د دغه کولب اصلي بڼه ۲۵۰۰ کاله مخکې د یو چیني کارګر لخوا طرحه او جوړ شوې ده، هغه شپږ لرګي لري او ثابت جوړښت يې ترې پنځولی دی. دغه قلف یوازې څو ثانیو کې ويجاړېږي، خو جوړونه يې ستونزمنه ده. ما په کابو يوه ساعت کې د دغه قلف ټوټې سره يو ځای کړې.
په ملګرو ملتونو کې د چین دایمي استازي جانګ جون سوله دغه قلف ته ورته بللې، چې په اسانۍ ویجاړېږي، خو د ښکېلو خواوو بیا يو ځای کول ډېر ستونزمن کار دی او په خبره يې، د امنیت شورا پر وړاندې هم ستونزې موجودې دي، خو غړي هېوادونه يې تر جدي بحث او څار وروسته په علمي طریقې او کافي صبر او باور سره دغه ستونزې ښه حلولی شي.
د امنیت شورا پر وړاندې اوسنۍ لویه ستونزه د اسرائیل او فلسطین روانه شخړه ده، کومه چې یوه مياشت دوام لري او ګڼ شمېر وګړیو ته پکې مرګژوبله اوښتې او په غزې کې د بشردوستۍ سخت بحران روان دی. چین د دې شخړې د ارامولو او د ملکي وګړیو د ساتلو لپاره دوامدار کوښښونه کړي دي.
د چین دولت رئیس شي جين پينګ د فلسطین او اسرائیل مسئلې په اړه د برېکس هېوادونو د مشرانو ځانګړې غونډې ته مهمه وینا کړې او له نړيوالې ټولنې يې د يادې شخړې د حل غوښتنه کړې ده.
د چین بهرنیو چارو وزیر وانګ يي د څو هېوادونو سیالانو سره د نظریو تبادلې کړې دي. د منځني ختیځ په چارو کې د چین ځانګړي استازي جای جون مصر او قطر ته سفرونه کړي او په قاهره کې يې د فلسطین مسئلې په سرمشریزه کې ګډون کړی دی.
امنیت شورا د روانې میاشتې په ۱۵مې نېټې د فلسطین او اسرائیل مسئلې په اړه ۲۷۱۲م پرېکړه ليک تصویب کړی او چین د نوبتي رئیسه هېواد په توګه د دغه پرېکړه ليک د تصويب لپاره هڅونکی رول لوبولی دی.
ياد پرېکړه ليک له ۷ کلن ځنډ وروسته د یاد سازمان لومړۍ پرېکړه ده او د ښکیلو خواوو د اوربند هڅولو لپاره ابتدایي ګټور ګام بلل شوی دی.
د ځينو هېوادونو په ګډو کوښښونو، اسرائیل او حماس د نومبر په ۲۴مې نېټې څلور ورځنی اوربند وکړ او وروسته يې دوه ورځې نور هم تمديد کړ.
د لو بان سوه(کولب) شپږ لرګي بېلې شکلونه لري او یو له بل سره په یو ځای کېدو ترې ثابت واحد جوړيږي. چین د فلسطین او اسرائیل مسئلې د سوله ییز حل لپاره له مختلفو خواوو سره يو ځای کوښښونه کړي، استازي يې د امنیت شورا په غونډه کې د اسرائیلي استازي پر نامناسبو خبرو نیوکې کړي او د نړیوال نظام عدالت یې ساتلی دی. د چین دغې کړنې لکه د لو بان کولب بېلا بېلې برخې هڅولي، چې د یو واحد جوړېدو لپاره اغېزمن کوښښونه وکړي او له دې څخه د چین مسئولانه رویه او ځيرکتیا څرګندېږي.
د فلسطین او اسرائیل د شخړې ارامولو لپاره د چین خدمتونه د لیدو وړ او د نړیوالو لخوا منل شوي دي، نو ځکه د عربي او اسلامي هېوادونو د بهرنیو چارو وزیرانو ګډ پلاوي د نړیوالې مشورې لپاره چین خپل لومړی تمځای ټاکلی دی.
د چین د امنیت شورا د نوبتي رئیسه هېواد ماموریت موده پای ته رسېږي، خو سوله ییز کوښښونه به يې دوام ولري. د چین بهرنیو چارو وزیر وانګ يي د امنیت شورا په مقر کې د فلسطین او اسرائیل د لوړپوړې غونډې مشري کړې او د نړیوالې ټولنې د ګډو نظریو د راغوڼډولو او په منځني ختيځ کې د روان کړکېچ د ارامولو لپاره يې تر وسې کوښښونه کړي دي.
د چین بهرنیو چارو وزارت د فلسطین او اسرائیل شخړې د حل لپاره د چین د دريځ سند خپور کړی او خپله لایحه يې پکې وړاندې کړې ده.
هیله ده، د نړۍ مختلف هېوادونه د لو بان کولب د برخو په څېر له چین سره یو ځای شي او د سولې لپاره زيارونه وباسي.