په ملګرو ملتونو کې د چين دايمي استازي جانګ جون د ډسمبر په ۱۵مه په امنيت شورا کې د سولې او خونديتوب لپاره د کوچنيو وسلو د ګواښونو په اړه پرانيستي غونډه کې وينا وکړه او ټينګار یې وکړ، چې نړيواله ټولنه بايد د امنيت شورا په اړه د وسلو قاچاق د مخنيوي تګلارې ته سم وګوري او پلې يې کړي.
نوموړي زياته کړه، چې د کوچنيو وسلو او بمونو د قاچاق، ناوړه استفادې او د نامسئولانه لېږلو مسئلې لا هم ډېرې جدي دي، چې د وسله والو نښتو، ترهګرۍ او نړيوالو جرمونو له مسئلو سره تړلي او نړيوالې سولې او خونديتوب ته سخت ګواښونه پېښوي.
ده وویل، چې د یادې ستونزې حلولو لپاره چين دا نظر لري، چې لومړی بايد د وسلو د خپرولو سرچينې له منځه يووړل شي، دويم بايد د ښکېلو هېوادونو دندې پياوړې شي، درېيم دې د امنيت شورا په اړه د دغو وسلو د قاچاق د مخنيوي تګلارو ته جدي وکتل شي او پلې شي او څلورم دې د ملګرو ملتونو رول ولوبول شي.