اسرائيل ټايمز ورځپاڼې د جنورۍ په ۳مې نېټې د دغه هېواد د امنيتي کابينې د يوه لوړ پوړي چارواکي په قول خبر ورکړی، چې حکومت يې له ډېرو هېوادونو سره پټې خبرې کړي، چې د غزې کډوالو ته ځای ورکړي.
رسنۍ وايي، د اسرائيل صدراعظم بنيامين نتنیاهو د لیکود ګوند غونډې ته ويلي، چې هغه نورو هیوادونو ته د غزې کډوالو " په خپلې خوښې " د تګ لپاره هڅې کوي.
نتنیاهو ويلي، ستونزه د هغو هیوادونو په موندلو کې ده، چې د غزې کډوالو د منلو هيله ترې لري او په خبره يې، " مونږ د دغې ستونزې د حل لپاره کوښښونه کوو."
د اسرائيل پارلمان د جنورۍ په ۲مې نېټې له جګړې وروسته د اړوندو تدبیرونو په اړه بحثونه کړي دي.
د اسرائيل د استخباراتو وزیرې ګيلا ګملیل د پارلمان ناستې ته ويلي، چې حماس به په روانې جګړې کې وځپل شي او سقوط به وکړي، په غزې تړانګې کې به د ښاروالۍ اداره موجوده نه وي، ملکي وګړي به يې بشري مرستې واخلي، خو د کار فرصتونه به و نه لري او ۶۰ سلنه کرنيزې ځمکې به په خوندي زوم بدل شي.
نوموړې نورو هېوادونو ته د غزې د کډوالو تګ غوره او واقعي لاره بللې ده.
(ژباړه: شکريه)