د چين د انجنير ملي جايزه  ګټوونکو ستاينغونډه د جنورۍ په ۱۹مه په بېجينګ کې  جوړه شوه . په دغه غونډه کې ۸۱ انجنيرانو ته ” د ملي غوره انجنير“ لقب  او  ۵۰ ډلو ته  ” د انجنيرانو غوره ملي ډله “ لقب  ورکړل شو . د چين د دولت رئيس شي جين پينګ، د يادو لقبونو ګټوونکو ته ډېره مبارکي  وویله.

شي جين پينګ  زیاته کړه ،‌ چې بايد د غوره انجنير ډلې نورې زياتې جوړې  شي او هیله يې  وښودله ، چې د چين ټول انجنيران هڅه وکړي، څو د چيني شکله عصري‌ کېدو د  بهیر له لارې دغه هېواد اباد او غښتلی کړي او دغه  ملت بيا سمسور کړي.

د چين د هاربین د برېښنا شرکت د مرستيال عمومي انجنير چين دا چينګ، د هانکانګ، جوهای او مکاو لوی پل عمومي انجنير سو چوان که، د  فو شين چټک اورګاډي د جوړوونکې ډلې د مسئول جو لي په شمول جايزه ګټوونکو په ياده غونډه کې ويناوې وکړې.