د چين د ګمرکاتو د چارو غونډه د جنورۍ په ۲۳مې نېټې په پلازمېنې بېجينګ کې تر سره شوه.
په غونډې کې ويل شوي، چې د چين ګمرکاتو ادارې په تېر ۲۰۲۳م کال کې په ثابت ډول د وارداتي توليداتو د پلټنې کارونه ترسره کړي او ۵۱ هېوادونو او سيمو ته يې اجازه ورکړې، چې کولی شي، ۱۴۶ ډوله کرنيز خواړه يې چين ته صادر کړي.
د چين د ګمرکاتو ادارې تېر کال د چين او منځنۍ اسيا د لومړۍ سرمشريزې او د کمربند او لارې د نړيوالې همکارۍ د درېیم لوړ پوړي فورم په ګډون ۲۲ ډيپلوماتيکو فعاليتونو او غونډو کې برخه اخيستې او ۸۹ لاسته راوړنې يې د دولتي مشرانو په مهمو ډيپلوماتیکو لاسته راوړنو کې شاملې شوې دي او د دې ترڅنګ يې د کمربند او لارې په اوږدو کې له پرتو هېوادونو سره د کرنيزو توکو ۱۵۶ همکاريز سندونه هم لاسليک کړي دي.
د چين او منځنۍ اسیا ګمرکي ادارو تېر کال د کمربند او لارې د خوړو د خونديتوب همکاريز سمينار تر سره کړ، د ګمرکي ادارو د مشرانو ترمنځ يې د لېدنو ميکانيزم جوړ شوی او لومړی ملاقات يې هم تر سره شوی دی.
تېر کال د کندهار انار د چین د ګمرکاتو ادارې تر منظورۍ وروسته چين ته داخل او د دغه هېواد د وارداتو په شپږم نړيوال نندارتون کې نندارې ته وړاندې شول.