د چين حکومت د فبرورۍ په څلورمې نېټې لسګونو بهرنيو کارپوهانو ته د ۲۰۲۳م کال د حکومت دوستۍ جايزې ورکړې او مراسم يې په همدې ورځ په پلازمېنې بېجينګ کې د خلکو لوی تالار کې ترسره شول.
د چين حکومت هر کال هغو بهرنيو کارپوهانو ته د دوستۍ جايزې ورکوي، چې په چين کې کار کوي او د دغه هېواد د اصلاحاتو او پرمختګ لپاره يې لوی خدمتونه کړي دي. تراوسه پورې د نړۍ د څه باندې ۸۰ هېوادونو او سيمو ۱۸۹۸ کارپوهانو دغه جايزې ګټلې دي.
د دغې جايزې تاریخ د تېرې پېړۍ په ۵مه لسيزه کې پيل شوی. په هغه زمانه کې د چين د وخت مرکزي حکومت په دغه هېواد کې د شوروي اتحاد کارپوهانو ته د دوستۍ مډالونه او د چين ولسي جمهوریت مننليکونه ورکړي وو. په چين کې د اصلاحاتو او ورخلاصون تګلارې له پلي کېدو وروسته د دغه هېواد د دولتي شورا په منظور د دوستۍ جايزې ورکونې اعاده شوې.
د چين کمونېست ګوند مرکزي کمېټې او مرکزي حکومت د يادې جايزې د ورکولو کارونو ته ډېره پاملرنه کوي او لوړپوړو چارواکو يې له تېرو ډېرو کلونو راهيسې جايزه ګټونکو ته مډالونه او ستاينلیکونه ورکړي او صدراعظم يې څو ځلې له جايزه ګټونکو سره کتلي او ګډ عکسونه يې اخيستي دي. دغه راز هغوی ته يې د ملي جشن په وياړ مېلمستيا په ګډون يو لړ مهمو غونډو يا فعاليتونو کې د ګډون بلنې هم ورکړې دي. د نړۍ د پنځو لويو وچو د ۲۶ هېوادونو ۵۰ بهرنيو کارپوهانو د ۲۰۲۳م کال دوستۍ جایزې ګټلې دي.
ولې دغه بهرني کارپوهان د چین د حکومت لخوا ستايل شوي؟ هغوی له چين سره څه ځانګړې دوستي ټينګه کړې؟
د معلوماتو له مخې، د ۲۰۲۳م کال د دوستۍ جايزې ګټونکي په بېلابېلو برخو کې دندې ترسره کوي، ځينې يې د چين د ايکولوژۍ او چاپېريال ساتنه کې، ځينې يې د چين د طبي خدماتي سيستم په اصلاحاتو کې او ځينې نور يې په نړيوالو ټولنيزو رسنيو کې د چين د حکومتوالۍ په اړه د معلوماتو په خپرولو کې لګيا دي او چينايان يې نږدې ملګري او رښتيني دوستان ګڼي.
چين د دغو بهرنيو کارپوهانو په زړونو کې ځانګړی ځای ځایګی لري.
قزاقستانی کافلبیک کاپيلابکوف د چين د هېلونګجياګ ولایت د داچينګ ښار د سترګو روغتون کې د ډاکټر په توګه ۲۵ کلنه دنده کړې او له ګڼ شمېر چيني ناروغانو سره يې د ليد وړتيا د بېرته ترلاسه کولو مرسته کړې ده. هغه وویل: له ۲۵ کلونو راهيسې مې له هېلونګجياګ او چين سره ډېره مينه پيدا شوه، د دوستۍ جايزه نه يوازې له خپلو کارونو د چين خوښي څرګندوي، بلکې د چين او قزاقستان د خلکو ژوره دوستي هم انعکاسوي.
د ناروې کارپوه او د ملګرو ملتونو پخواني مرستيال سرمنشي ايريک سولهېم له ډېرو کلونو راهيسې د چين د ايکولوژۍ د ساتنې او ښه والي لويې کارنامې له نږدې ليدلې او د اړوندې لویې او نمونوي پروژې يې نړيوالو ته ورپېژندلې دي.
د دغو بهرنيو کارپوهانو د هڅو په نتيجه کې د نړۍ د نورو هېوادونو او چين ترمنځ همکارۍ او دوستي لاټينګې شوې دي. هغوی ځکه چين ته راغلي او دلته یې کار کړی، چې چين هغوی ته ډېر جالبه ښيي.
چين لرغونی او زړه راښونکی تمدن لري، نظام يې څرګندې ځانګړتياوې ښيي او د عصري کېدو بهیر يې نورو هېوادونو ته ډېر فرصتونه برابروي چې همدا بهرنيانو ته د خپلو وړتياوو او ارزښت د ښودلو ډېره ښه زمينه برابره کړې ده.
د دوستۍ جايزې نه یوازې بهرنيو کارپوهانو ته د چينايانو خوښي او درناوی، بلکې داسې ټينګ هوډ يې هم څرګندوي، چې خپل هېواد به يې په لوړې سويې او هراړخيزه توګه پرانيستی وساتي.
چين په دې وروستيو کلونو کې د بهرنيو کارپوهانو د جذب لپاره يو لړ نوي تدبيرونه غوره کړي، د بېلګې په توګه بهرنيانو ته په چين کې د کارونو اجازه ورکولو ميکانیزم يې پلی کړی او په دغه هېواد کې يې د دايمي استوګنې د جواز ورکولو اسانتياوې برابرې کړې دي.
روسي جايزه ګټونکی ميهاير ملوزوف د شانګهای د کار ورځپاڼې د مرستيال مدير په توګه دنده ترسره کوي، نوموړي وويل، چين د بهرنيو مستعدو کسانو د جذب په برخه کې ډېرې ښې تګلارې غوره کړې دي. فرانسوي جايزه ګټونکي يفون لي ماهو په چين کې د موجوديت تنوع په ساتلو کې ډېر کارونه کړي دي، نوموړي باور وښوده چې چين به د متقابلو ګټو پر بنسټ زيات غوره مستعد بهرنيان راجلب کړي.