په جنيوا کې د ملګرو ملتونو په دفتر او په سويس کې د نورو نړيوالو سازمانونو په استازولیو کې د چين دايمي استازي چن شوی د مارچ په ۱۵مه د ملګرو ملتونو د بشري حقونو شورا په ۵۵مه غونډه کې د بشري حقونو په چارو کې د چين لاسته راوړنو او د بشري حقونو د مسئلې په اړه د چين دريځ بیان کړ.
نوموړي وویل ، چې چين تل د بشري حقونو په نړيوالې حکومتدارۍ کې فعال ګډون لري، د بشري حقونو نړیوال ډيالوګ او همکارۍ ته وده ورکوي، مختلفو بشري حقونو ته پر برابر پرمختګ ورکولو ټينګار لري او د اقتصادي، ټولنيزو او کلتوري حقونو او د پرمختګ حقونو د پلي کېدو په پار په هڅه کې دی.
د بشري حقونو شورا په تېره غونډه کې د چين په شمول د ۸۰ هېوادونو لخوا وړاندې شوې د اقتصادي، ټولنيزو او کلتوري حقونو پرېکړه تصويب شوې. چين هيله لري، چې دغې پرېکړې ته د عمل جامه واغوندي او د تلپاتې پرمختګ لپاره خدمتونه وکړي.