د ناورو ولسمشر ډېويد رانييوک اديانګ د مارچ له ۲۴مې نېټې څخه تر ۲۹مې نېټې پورې له چين څخه رسمي ليدنه کوي. دا د روان کال په جنورۍ کې د چين او ناورو تر منځ د سياسي اړيکو د بيا اعاده کېدو څخه چين ته د ناورو ولسمشر لومړی سفر دی. د چين د دولت رئيس شي جين پينګ د مارچ د ۲۵مې نېټې له غرمې وروسته د ناورو له ولسمشر اديانګ سره د خبرو اترو په وخت کې وويل، کله چې زموږ دوستي پيلېږي، نو روښانه راتلونکی به ولرو، هره همکاري چې له صميميت څخه برخمنه وي، سترې لاسته راوړنې به تر لاسه کړي. ولسمشر اديانګ وويل، چې ناورو د چين لوړه ستاينه کوي، چې لويو او کوچنيو هېوادونو ته په مساوي سترګه ګوري او غواړي چې د يو چين پېژندلو اصول مراعات کړي، په پر له پسې ډول له چين سره همکارۍ ټينګې کړي. د دواړو مشرانو تر منځ له خبرو څخه زياتې فعالې نښې خپرې شوې دي.
چين تل دا نظر لري، هر هېواد چې لوی يا کوچنی دی، قوي يا کمزوری دی، شتمن يا بېوزلی دی، ټول سره مساوي دي. چين د څه باندې ۱ميليارډ او څلور ميليونه تنو نفوس، ناورو هېواد يوازې لس زره تنه نفوس لري. چين د ناورو درناوی کوي او ورته په درنه سترګه ګوري، دا هم ثابتوي، چې له نورو سره د مساوي چلند کول د چين د ډيپلوماسۍ ځانګړتيا ده. شي جين پينګ اديانګ ته وويل، چې موږ په جنوبي سمندري سيمه کې زيات پخواني ملګري او اوس ستاسو په څېر نوي ملګري لرو، زه ډېر خوشاله شوم. د ارام سمندر په سيمه کې د ټاپو هېوادونه دغه مساوي ملګرتيا ته ارزښت ورکوي. لکه د ساموا جمهوريت خبريال ليوټا جان وويل، چې د ارام سمندر په سيمه کې د ټاپو هېوادونه يوه لویه کورنۍ ده، ناورو له چين سره همکارۍ کوي، چې د دغه هېواد او د دې سيمې لپاره ګټورې دي.
د يو چين پېژندل اصول د چين او ناورو تر منځ د سياسي اړيکو د بيا اعادې او له چين څخه د ناورو د ولسمشر د سفر کولو بنسټ دی. چين ته د ناورو ولسمشر اديانګ د سفر په موده کې دواړو خواوو بيا دغه اصول تصديق کړي دي. اديانګ دا نظر ښودلی، چې له چين سره د سياسي اړيکو اعاده کېدل سم تاريخي انتخاب دی او د دواړو هېوادونو تر منځ د سياسي اړيکو مهم بنسټ يې بللی. له دې څخه څرګندېږي، چې د ۱۹۷۱م کال د ملګرو ملتونو د عمومي اسامبلې ۲۷۵۸م پرېکړه ليک کې د يو چين پېژندلو اصول د نړۍ ګډې نظريې ګرځېدلې دي. په همدې وخت کې له تايوان سيمې سره د تش په نامه سياسي اړيکې لرونکي هېواد ته پیغام کېږي، چې د يو چين پېژندنې اصول لوی تمايل دی او بايد ژر تر ژره سم انتخاب وکړي.
چين او ناورو دواړه پرمختيايي هېوادونه دي او د پرمختګ دندې لري. د ناورو اقتصادي جوړښت کم دی او په عمده توګه د خپلو سرچينو صادراتو او سيلانیزو چارو په اتکا پرمختګ کوي. چين د توليدولو بشپړ ځنځير لري او د بنسټيزو تاسيساتو د ابادۍ او د اقتصاد او سوداګرۍ د پرمختګ له لارې له ناورو سره همکارۍ کوي. د ناورو يو ۲۷ کلن ځوان سوداګر سيرويست په دغه هېواد کې د ايوو بندر لوړه ستاينه وکړه، له چيني تصدۍ څخه يې مننه څرګنده کړه، چې له دوی سره یې دغه بندر جوړ کړی او اوس په دغه بندر کې بېړۍ ډېرې شوې دي او د لېږد رالېږد توکو اندازه په پر له پسې ډول زياته شوې ده. دغه عصري بندر د ۲۰۲۲م کال په سپتمبر کې ګټې اخيستنې ته سپارل شوی او د ناورو د توکو لېږلو توان یې لوړ کړی او ځايي خلکو ته پرمختللي ټېکنالوژۍ او کاري فرصتونه يې رامنځته کړي دي.
چيني تصديو په ناورو کې د فوټوولټيک بريښنا او د انرژيو ذخيره کولو لومړۍ پروژې پیل کړې دي، خلکو ته يې د مشروم(مرخېړو) د کرلو ټېکنالوژۍ تعليم ورکړی او داسې نورې د پرمختګ لارې چارې يې ورته ښودلې دي. د ناورو خلک له چين سره د همکارۍ تمې لري.
چين ته د ناورو د ولسمشر د سفر په موده کې دغه هېواد له چين سره د کمربند او لارې د ګډې ابادۍ په هکله همکاريز سند لاسليک کړ. د دواړو هېوادونو د ګډې اعلاميې له مخې، چين غواړي د کمربند او لارې د ګډې ابادۍ پلان او د ناورو د پرمختګ له ستراتيژۍ سره ونښلوي، په ناورو کې د تجارت او پانګونې، د بنسټيزو تاسيساتو د ابادۍ، د کرنې او د کب نيولو چارو، د کانونو د علمي استخراج، د چاپېريال د ساتنې په شمول ساحو کې ورسره همکارۍ وکړي او د دغه هېواد سره د دوامدار پرمختګ په چارو کې مرسته وکړي.
د شنونکو په اند، د کمربند او لارې د ګډې ابادۍ پلان د ارام سمندر سيمې د زياتو هېوادونو اقتصادي سويې او د خلکو ګټې زياتې کړې، چې دغه واقعي لاسته راوړنې د ناورو د حکومت او خلکو په ژوند کې څرګندې دي. دواړه خواوې به د کمربند او لارې د ګډې ابادۍ په چوکاټ کې د سمندري اوبو د پاکولو، د زرغون انرژيو او د دوامدار پرمختګ په برخو کې به همکارۍ وکړي. چين ته د ناورو ولسمشر سفر به د ارام سمندري سيمې د ټاپوګانو په سيمه کې د سولې او پرمختګ هڅونه وکړي، د پرمختيايي هېوادونو تر منځ به همکارۍ پرمخ یوسي او دا د انسانانو د ګډ برخليک ټولنې د ګډې ابادۍ د هڅولو وړ اهميت هم دی.