د ايران خارجه وزير عبدالاهيان د اپرېل په ۱۹مه د امريکا په نيويارک کې په ملګرو ملتونو کې د اسلامي همکارۍ سازمان د غړو هېوادونو له دايمي استازو سره د کتنې په ترڅ کې وویل، د هوایي دفاع ځواکونو يې په همدې ورځ په اصفهان ولايت کې څو کوچنۍ الوتونکې وسيلې غورځولي او هېڅ اقتصادي زيانونه او مرګژوبله یې نه ده رسولې.
د ايران مهر خبري اژانس په همدې ورځ خبر ورکړ، چې ۳ کوچنۍ الوتونکې وسيلې د دې ورځې د سهار په شاوخوا ۴ بجو د دغه هېواد د اصفهان ولايت په هوا کې پيدا شوې او ورپسې د ايران هوا ضد سيستم لخوا وغورځول شوې.
د امريکا خپرونې شرکت د خبر له مخې، اسرائيل د روانې مياشتې د ۱۹مې سهار وختي د ايران پر يو ځای بريد کړی دی. ايراني خبري رسنيو هم خبر ورکړ، چې د دغه هېواد په اصفهان ولايت کې چاودنې پېښې شوې، ځکه د هوا ضد ځواکونو يې ځينې الوتونکې وسيلې وغورځولې.
اسرائيلي حکومت تر دې دمه پر ايران د خپل بريد په اړه څه نه دي ویلي.