د چين د دفاع وزارت وياند وو چيان د مې په ۳۱مې نېټې خبري رسنيو ته ويلي، چې د هېواد دفاع وزير دونګ جون په سینګاپور کې له امريکايي سیال لویډ اوستين سره کتلي او د ځينو مسئلو په اړه يې ورسره خبرې کړې دي.
نوموړي د دواړو سیالانو ترمنځ د دې لېدنې موخه د چين د دولت رئيس شي جين پينګ او د امريکا د ولسمشر جو بايډن د اجماع پلې کول او د دواړو هېوادونو د پوځيانو ترمنځ د اړيکو پرمخبېول ښودلي دي.
دواړو وزيرانو د متقابلو اړيکو، تايوان مسئلې، د چين د جنوبي سمندر مسئلې، اوکراين کړکېچ او د اسرائيل او فلسطين ترمنځ د روانې شخړې په اړه د نظريو مثبتې او ارزښتناکې تبادلې کړې دي.
د چين دفاع وزير دونګ جون له خپل امريکايي سیال سره په خبرو کې ويلي، چې د دواړو پوځونو ترمنځ د سوتفاهمونو د لرې کولو او د متقابل اعتماد جوړولو لپاره اړينې دي.
نوموړي ويلي، دواړه هېوادونه بايد حقایق له پامه و نه غورځوي، يو پر بل باید تورونه ونه لګوي او يو پر بل باید حملې ونه کړي.
(ژباړه: شکريه)