د ايران د کورنيو چارو وزارت د جون په ۹مې نېټې د ولسمشرۍ د ۶ نوماندانو لېست خپور کړی دی.

د ايران ولسمشريزو ټاکنو ته ۸۰ کسانو نوملېکنه کړې وه، خو د دغه هېواد  د اساسي قانون ساتونکي شورا د نوماندانو وړتیاوې ارزولي او شپږ کسان يې د ولسمشرۍ ټاکنو لپاره مناسب بللي دي.

یادې شورا د ایران د پارلمان مشر محمدباقر قالیباف، مرستيال ولسمشر سید امیرحسین قاضي‌ زاده هاشمي، د تهران ښاروال علي رضا زاکاني، د اټومي مذاکراتو پخوانی لومړی استازی سعید جلیلي، د کورنيو چارو پخوانی وزير مصطفی پورمحمدي او د روغتيا پخوانی وزير مسعود پزشکیان د دغه هېواد د ولسمشريزو  ټاکنو لپاره وړ بللي دي.

دغه ۶ نوماندان به د جون په ۲۸مې نېټې په ولسمشريزو ټاکنو کې سیالي وکړي.