د مصر ولسمشر عبدال فتح السيسي د جون په لسمې نېټې د دغه هېواد په پلازمېنې قاهرې کې د امريکا له خارجه وزير انتوني بلينکن سره ليدلي او د غزې د اوربند په اړه ورسره غږیدلی دی.

دواړو خواوو موافقه کړې، چې په غزې کې د اوربند تړون د رامنځته کولو او د بنديانو د تبادلې په پار به هڅې وکړي.

د مصر ولسمشرۍ ماڼۍ په همدې ورځ په يوې اعلاميې کې ويلي، چې ولسمشر السيسي له بلېنکن سره په لېدنې کې د بشري مرستو پر وړاندې د خنډونو په ليرې کولو کې د نړيوالو همکاريو پر اهميت او د سيمه ييزې جګړې د ختمېدو، د نښتو د بيا ترينګلتيا د مخنيوي او د دوو هېوادونو لايحې پر اړتيا ټينګار کړی دی.

د امريکا خارجه وزير انټوني بلينکن د يادې لېدنې په ترڅ کې څرګنده کړې، چې امريکا به له مصر سره خپلمنځي همکارۍ او همغږۍ ته دوام ورکړي، څو د سيمې امنيت او سوله اعاده شي.